आम्ही बालाजी फाऊंडेशन

शेतकरी मित्रांनो,

पारंपारिक शेतीचा काळ केव्हाच मागे पडलाय, हे आपण जाणताच! बदलते ऋतुमान, लपंडाव खेळणारे पर्जन्यमान, ओला- सुका दुष्काळ.... अशा कितीतरी समस्यांना सामोरे जायला आता तुम्ही चांगलेच सरावले आहात. एव्हढेच काय सिंचन, जल पुनर्भरण, सौर पंप आणि व्यवस्थापन, हरितगृहे आणि मल्चिंगसारख्या आधुनिक संसाधनांना तंत्रज्ञानाची जोड देऊन तुम्ही विपरीत परिस्थितीशी झुंज देत आहात ! कोवीड महामारीच्या काळातही कृषीक्षेत्राचा विकास दर उच्चांकी नेऊन आपण हे सिद्धच केलंय !

नव्या दशकात शेतकरी मित्रांच्या खांद्याला खांदा लाऊन चांद्यापासून बांध्यापर्यंत त्यांचा सच्चा साथी बनायला आम्ही एक मंच सज्ज केला आहे. या अंतर्गत नवी शेती, त्यातील नवी आव्हाने, नवे तंत्रज्ञान, नवे प्रश्न आणि त्यांचे समाधान यासारख्या विषयांचे नवे कंगोरे आपण मिळून हाताळणार आहोत.